دل میں کوئی فتور ہے

دِل میں کوئی فتور ہے
اُس کے جو ہم سے دور ہے
نظریں جھکائے بیٹھے ہو
کچھ ماجرا ضرور ہے
میں تم پہ مر مٹا ہوں کیا
یہ بھی مِرا قصور ہے؟
قرآں میں ہی چُھپی ہوئی
توریت ہے زبور ہے
میں تو چلو دیوانہ ہوں
پر تُو تو باشعور ہے
پہنچا ہوں لودھراں ابھی
ملتان کتنا دُور ہے؟
ہو جانے دے چراغ گُل
تیرے بدن میں نُور ہے
جاں وار دیں گے آپ پر
کیا حکم یا حضور ہے؟
اُن سے ملے تو یوں لگا
کہ جیسے کوئی حُور ہے
خمرِ نگاہِ یار میں
کیسا بھلا سُرور ہے
جھوٹے بہانے کرنے میں
حاصل تُجھے عبور ہے
اس دل کی تم سے کیا کہوں
زخموں سے چُور چُور ہے
اِسرار ہے __ اِن آنکھوں میں
اب رنگ ہے نہ نور ہے
(شہریار جمیل)