جس کے دل میں خدا نہیں ہے

جس کے دل میں خُدا نہیں ہے
لب پہ اُس کے دُعا نہیں ہے
وہ گیا ہے یہاں سے لیکن
وہ یہاں سے گیا نہیں ہے
چوٹ کھائی ہے جِن سے ہم نے
اُن سے ہم کو گلا نہیں ہے
گھر سے ہو کے بھی آ گیا ہوں
گھر پہ کوئی مِلا نہیں ہے
فاصلہ درمیان حائل
پر وہ ہم سے جُدا نہیں ہے
درد ایسا دیا ہے تُو نے
جس کی کوئی دوا نہیں ہے
آج میرا کہا سُنا ہے
جام اُس نے پیا نہیں ہے
اُس کو اِسرار کیسے کہہ دوں؟
جو کِسی سے چھپا نہیں ہے
(شہریار جمیل)